ကောက်ရထားသည်

ကောက်ရထားသည်

အမြန်ဆက်သွယ်ပါ လက်ဆင့်ကမ်းပေးကြပါ 

 PASSPORT စာအုပ်တစ်အုပ် ကောက်ရထားပါသည်

ဆက်သွယ်ရန် ၀၁၆ ၆၀၂ ၅၅၃၆

ပိုင်ရှင်ကိုယ်တိုင်လာရောက်ယူပါရန်

ကြေညာချက်နှင့် မသက်ဆိုင်သော မေးခွန်းများသည်းခံပါ။ 

စုပေါင်း ဝါဆိုသင်္ကန်းကပ်လှူပွဲ

၁၉.၈.၂၀၁၂ တနင်္ဂနွေနေ့ နံက် ၉ နာရီ ကျောင်းမှာ စုပေါင်း ဝါဆိုသင်္ကန်းကပ်လှူပွဲ အလှူရှိပါတယ် စာဖတ်ရသူတိုင်း ကြွရောက်ကြပါရန် ဖိတ်ကြားပါတယ်

၂၀၁၂ ခုနှစ် ကဆုန်လပြည့်နေ့ မှတ်တမ်း ဓါတ်ပုံများ

လေ့လာမိသော .... သင်္ကြန်အကြောင်း ( မေတ္တာသီသေန စိတ္တေန ..........အရှင်နန္ဒ၀ံသ ။)

သင်္ကြန် ....အော် သင်္ကြန် ......နှစ်အကူး ရွှင်မြူးလေတဲ့ သကြန် တဲ့.....
သီချင်းတွေလဲ ကြားဘူးပါရဲ့ ......သင်္ကြန်တွေမှာလဲ ပျော်ခဲ့ဘူးပါရဲ့...ဒါပေမဲ့ သူများက ‘သင်္ကြန်’ပြောလို့ ပြောနေရတယ်။တကယ်တော့ သင်္ကြန်ရဲ့ အဓိပ္ပာယ်ကို နားမလည်ခဲ့တာ အမှန်ပါ။ ငယ်ရွယ်သူတွေက သိလိုရေး နှင့် ဖွင့်မေးလာသည့် အခါမှာတောင်မှ ဖြေစရာ မရှိခဲ့ချေ.. ဒါနဲ့ပဲ စာပေမှာ ဖွေရှာလေ့လာ ကြည့်မိသောအခါ သင်္ကြန်ဆိုတာကို ဒီလို နားလည်ခဲ့ရပါတော့တယ် ။
သင်္ကြန်ပွဲတော် ဟူသည် မြန်မာပြည်အပါအ၀င် အရှေ့တောင် အာရှဒေသ၏ နှစ်သစ်ကို ကြိုဆိုသည့်အနေအားဖြင့် ကျင်းပသည့် ပွဲတော်တခု ဖြစ်သည်။"ကူးပြောင်းခြင်း၊ ပြောင်းရွှေ့ခြင်း"ဟု အဓိပ္ပါယ်ရသော ပါဠိဘာသာ"သင်္ကန္တ"၊ သက္က တဘာသာ"သင်္ကြန္တ"တို့ကို တိုက်ရိုက် မြန်မာမှု့ပြု၍ "သင်္ကြန်"ဟု ခေါ်ဆိုကြခြင်း ဖြစ်ပါ၏ ။
သက္ကတ ဘာသာစကားကနေ ဆင်းသက်လာတဲ့ သင်္ကန္တ စကားလုံးဟာ သက်ဆိုင်ရာ ဒေသနေ ပြည်သူတွေရဲ့ ၀န်းကျင် အခြေအနေပေါ်မှာ မူတည်ပြီး ကွဲပြားခြားနားမှု ရှိခဲ့တာကိုလည်း တွေ့ရပါတယ်။ မြန်မာတို့ရဲ့ သင်္ကြန်၊ ထိုင်းတို့ရဲ့ ဆွန်ကရန် (Song Kran)၊ ကမ္ဘောဒီးယား ချိုချနန်သမေး (Chol Chnam Thmey)၊ လာအိုတို့ရဲ့ ဘီးမိုင် (Bpee Mai) နဲ့ တရုတ်နိုင်ငံ ယူနန်ပြည်နယ် ဒိုင်လူမျိုးတို့ရဲ့ ရေသဘင်ပွဲဆိုတဲ့ နှစ်သစ်ကူးပွဲတော်တို့ဟာ တစ်ခုတည်းသော ရင်းမြစ်က ဆင်းသက်လာခဲ့တဲ့ ပွဲတော်များ ဖြစ်ပါတော့တယ်
သင်္ကြန်အကျဉ်း ဆိုလိုရင်း

အကျဉ်းအားဖြင့်တော့ အချင်း ယူဇနာ ၅၀၊ လုံးဝန်း ယူဇနာ ၁၅၀ ရှိပြီး အတွင်းဘက်ကား ရွှေ၊ အပြင်ဘက်ကား ဖလ်သားအတိနဲ့ ပြီးသော ‘ဘာဏုရာဇာ’မည်တဲ့ တနင်္ဂနွေဂြိုဟ်မင်းဟာ နဝင်းတစ်လုံးမှ နေပြီး နဝင်းတစ်လုံးဆီ၊ နက္ခတ်တစ်လုံးမှ နက္ခတ်တစ်လုံးဆီ၊ တစ်ရာသီမှ တစ်ရာသီသို့ အစဉ်လိုက် ပြောင်းရွှေ့ခြင်းကို အစွဲပြုလို့ သင်္ကြန်ခေါ်ဆိုကြောင်း လောကီကျမ်းများအရ သိခဲ့ရပါတယ်။ ဒီိတော့ သင်္ကြန်ဆိုတာ ပြောင်းလဲခြင်း ပြောင်းရွှေ့ခြင်း လို့ အကျဉ်းအားဖြင့် မှတ်ယူနိုင်ပါတယ် ။
သင်္ကြန် အကျယ် သိမှတ်ဖွယ်
သင်္ကြန်ရဲ့ အဓိပ္ပါယ်ကို အကျဉ်းမျှဖြင့် သဘောပေါက် နားလယ်ဖို့ မလွယ်ကူဘူး ထင်မိပါတယ် ။ ဒါကြောင့် အကျယ်ချဲ့  လေ့လာကြည့်တဲ့ အခါမှာတော့ ဤသို့ အကျယ်အားဖြင့် လေ့လာ သိရှိ မှတ်သားခဲ့ရပါတယ် ။
ဤကမ္ဘာမြေကြီးသည် နေကို ဗဟိုပြု၍ မိဿရာသီမှ စ၍ ပြိဿ၊ မေထုန်၊ ကရကဋ္ဋ်၊ သိဟ်၊ ကန်၊ ဗြိစ္ဆာ၊ ဓနု၊ မကာရ၊မိန်ဟူသော ၁၂ ရာသီခွင်တို့သို့ အစဉ်လိုက်ကူးပြောင်းလှည့် ပြီးနောက် ရက်ပေါင်း ၃၆၅ ရက်၊ ၆ နာရီ၊ ၁၂ မိနစ်၊ ၃၇ စက္ကန့်ပြည့်သောအခါ မိဿရာသီ အစဖြစ်တဲ့
အဿဝနီ နက္ခတ် ပထမပတ်သို့ စတင် ၀င်ရောက် ပါတယ်.. ယင်းသို့ ရာသီခွင်တပတ်လည် ၀င်ရောက်စအချိန်ကိုရာသီတခုမှ ရာသီတခုသို့ ကူးပြောင်း သောကြောင့်"သင်္ကြန်" ကျသည်ဟုခေါ်ဆိုပါတယ် ။
စူဠ မဟာ သင်္ကြန်အခါ
တနှစ်မှာ န၀င်းအရေအတွက် ၁၀၈ န၀င်းဖြစ်၍ သင်္ကြန် ၁၀၈ ကြိမ်၊ နက္ခတ် ၂၇ လုံး ဖြစ်၍ သင်္ကြန် ၂၇ ကြိမ်၊ ရာသီ ၁၂ ခုဖြစ်၍ သင်္ကြန် ၁၂ ကြိမ် ကျသည်၊ ၁၂ကြိမ် ကူးပြောင်း သည်ဟု ဆိုနိုင်ပါတယ်

ဒါပေမဲ့ ယင်းကူးပြောင်းခြင်း သို့မဟုတ် သင်္ကြန်ကျခြင်း တို့မှာ"သာမည ကူးပြောင်းခြင်း" ဖြစ်၍ "အငယ်စား- စူဠသင်္ကြန်" တို့သာ ဖြစ်နေသည့် အတွက် လူတို့ က အလေးအနက် မထားမကြပါဘူး ။
ဂြိုဟ်အပေါင်းတို့၏မိခင်ဖြစ်သော တနင်္ဂနွေဂြိုဟ် ကိုသာ အလေးဂရုပြု ကာဖြင့် နှစ်၊ လ၊ ရက်တို့ကို မှတ်သားကြ သောကြောင့် တနင်္ဂနွေဂြိုဟ် ပြောင်းရွှေ့ ကူးပြောင်း ခြင်းကို သာလျှင် "သင်္ကြန်"ဟုလည်းကောင်း၊ "သင်္ကြန်ကြီး- မဟာ သင်္ကြန်"ဟုလည်းကောင်း အလေး အမြတ်ပြု မှတ်သားလျက် သင်္ကြန်ပွဲတော် ဆင်နွှဲ ကျင်းပ ကြပါတယ် ။

ထို့ကြောင့် ဧပြီလအစပိုင်း သို့မဟုတ်အဆုံးပိုင်းရက်များ တွင်ဖြစ်စေ၊ မေလ၊ ဇွန်လ၊ ဇူလိုင်လ များတွင်ဖြစ်စေ ကျင်းပလေ့ ရှိကြသော အနောက်နိုင်ငံ များနေ မြန်မာတို့၏ သင်္ကြန်ပွဲများ သည် "မဟာသင်္ကြန်ပွဲ " မဟုတ်ဘဲ "စူဠသင်္ကြန်ပွဲ" များသာ ဖြစ်သည်ဟု သတိပြုနားလည်ရမည်ဖြစ်ပါတယ်



သင်္ကြန် ကြို..အကျ ...အယူ အဆ
တာဝတိံသာနတ်ပြည်မှ သိကြားမင်းသည် သင်္ကြန်ကျချိန်မှာ လူ့ပြည်သို့ ခေတ္တခဏ ဆင်းလာလေ့ရှိတယ်။ သိကြားမင်း လူ့ ပြည်ဆင်းချိန် သည် "သင်္ကြန်ကျချိန်"ဖြစ်၍...မဆင်းမီ တရက် အလို သိကြားမင်းကို ကြိုဆိုသော နေ့ကိုတော့ "သင်္ကြန်အကြိုနေ့" ဟု ခေါ်ဆိုကြတယ် ဟု ယူဆ ဖေါ်ပြလေ့ ရှိပါတယ် ။




သင်္ကြန်ကျရက် ဤသို့တွက်

အကြမ်းဖျင်းအားဖြင့် သင်္ကြန်ကျမည့်ရက်ကို အလွယ်တကူ သိနိုင်သော နည်းမှာ လွန်ခဲ့ သောနှစ် သင်္ကြန်အတက်ရက်မှ စ၍ ရေတွက်လျှင် ၃၆၄ ရက်မြောက်နေ့သည် ယခုရောက်ဆဲ နှစ်၏ သင်္ကြန်အကျ နေ့ပင် ဖြစ်ပါတယ်။ အတိအကျအားဖြင့် လွန်ခဲ့သောနှစ် သင်္ကြန်ကျသောနေ့ ရက်အချိန်မှ ၃၆၅ ရက်၊ ၆ နာရီ၊ ၁၂ မိနစ် ၃၇ စက္ကန့်ပြည့်သောအချိန်နေ့ရက်သည် ယခု ရောက်ဆဲနှစ်၏ သင်္ကြန်အကျနေ့ ဖြစ်ပါတယ် ။
သင်္ကြန်ပုံပြင် ဖတ်လိုလျှင်

တခါက သိကြားမင်းနှင့် ဗြဟ္မာမင်းတို့ ၂ ယောက် စကားလက်ဆုံ ပြောကြရာ ကဿပ ဘုရားရှင် လက်ထက် မတိုင်ခင်က လူ့ပြည်၌ တစ်ပါတ်လျှင် ၈ ရက်ရှိ ခဲ့ပြီး ယခုအခါ ၇ ရက်သို့ ပြောင်းသွားပြီ ဖြစ်ကြောင်း သိကြားမင်းက ပြောလေရာ ဗြဟ္မာမင်းက မဖြစ်နိုင်ဘူးဆိုကာ ငြင်းခုံ ကြပါသတဲ့ ။
ထို့နောက် ရှုံးတဲ့သူ က ခေါင်းဖြတ်ကြေး ဟု သတ်မှတ်ကာ လူပြည်သို့ ဆင်းပြီ ထိုအချိန်က သီလ၊ သမာဓိနှင့် ပြည့်စုံသည့် ရသေ့ထံတွင် အဆုံးအဖြတ် ခံယူပါသတဲ့ ။ အဘိဥာဏ်ရ ရသေ့က ယခုအခါတွင် လူပြည်တွင် တနင်္ဂနွေအစ စနေအဆုံး ၇ ရက်သာ ရှိတော့သည်ဟု အဆုံးအဖြတ်ပေးခဲ့လေသတဲ့။
ဗြဟ္မာမင်းလည်း သူ့ကတိအတိုင်း သူ၏ဦးခေါင်းကို အဓိဌာန်ဖြင့် ဖြတ်ပြီး သိကြားမင်းလက်သို့ ပေးအပ်လိုက်ပါတယ် ။
ထို ဗြဟ္မာ ဦးခေါင်းပြတ်ကြီး သိကြားမင်း လက်ထက်ထဲသို့ ရောက်သည့်အခါမှ သိကြားမင်းမှာ စဉ်းစားမိသည်မှာ......။ မြေပေါ်ချထားလျှင် ၇ နှစ် ကမ္ဘာမီးလောင် ပြီး မိုးခေါင်လိမ့်မည် ရေ တွင် ထားပါက လည်း သမုဒ္ဒရာ ၇ စင်းမှ ရေများ ခန်းခြောက်သွားလိမ့်မည် လို့ပါပဲ ..ဒီတော့ မြေမှာလဲ မထား..ရေ သို့လို့ မပို့တော့ပဲ့  နတ်သမီး ၇ ယောက်မှ တစ်နှစ်လျှင် တစ်ယောက်ကြ ဗြဟ္မာဦးခေါင်းကို ကိုင်ထားရန် တာဝန်အပ်နှံပေးထားလိုက်ပါတော့သတဲ့ ။
ထို နတ်သမီးတွေရဲ့ တစ်ဦးနဲ့ တစ်ဦး ဦးခေါင်းကိုင်ရန် အလွှဲအပြောင်း ကိုလည်း သင်္ကန္တ ဟို ခေါ်ပြီး ထိုမှ ရွေ့လျှော ဆင်းသက်ရာမှ သင်္ကြန်ဆိုတာ ဖြစ်လာပါသတဲ့
မြန်မာပြည်တွင် တစ်နှစ်တစ်ခါ ထုတ်ဝေတဲ့ သင်္ကြန်စာများမှာလည်း ဗြဟ္မာမင်းကြီးရဲ့ ဦးခေါင်းကို လွှဲပြောင်းပေးနေပုံကို ဖော်ပြလေ့ရှိတာ သတိပြုမိပါတယ်။

ဘာပဲပြောပြော သင်္ကြန်ဆိုတာ ပြောင်းရွှေ့ခြင်း အဓိပ္ပာယ်လို့သာ လွယ်လွယ် မှတ်လိုက်ကြပါစို့နော်။
မြန်မာသင်္ကြန်ပွဲတော်များ အစ ...ပုဂံခေတ်က
ရှေးမှတ်တမ်းများအရ ရေကစားပွဲတော်ကို ပထမဆုံး စတင်ခဲ့သည့် ဘုရင်မှာ ပုဂံခေတ် နရသီဟပတေ့မင်း လက်ထက်တွင် ဟု သိရပါတယ်။ ထိုမင်းသည် ရေကစားပွဲတော်တွင် သူ၏မိဖုရား စောလုံ ကို အရှက်ကွဲအောင် စနောက်မိခဲ့သဖြင့် စောလုံမှ ထမင်းပွဲတွင် အဆိပ်ထည့်ကာ လုပ်ကြံ သည်အထိ ဖြစ်ခဲ့ပါတော့တယ် ။
အချိန်မှီ သိရှိသဖြင့် ဘုရင့်အသက် မသေခဲ့သော်လည်း မိဖုရားစောလုံကိုတော့ မီးကျီးခဲ ရဲရဲတွင် မီးကင် သတ်စေခဲ့ပါတယ် ။သင်္ကြန် အစ၏ ကြေကွဲစရာ မှတ်တမ်းလေးတစ်ခုဟုသာ ဆိုပါရစေ
ရှောင်ကြဉ်ဖွယ်ရာ အဖြာဖြာ
ဟိုးတစ်ချိန်က ရှေးပညာရှိကြီးတွေ ဟာ အတာနှစ်ဦးမှာ ရှောင်ကြဉ်ရ မယ့် ဓလေ့တချို့မှတ်သားဖွယ် ဖော် ထုတ်သွားခဲ့တာကို သတိရဆင်ခြင် ရမှာ ဖြစ်ပါတယ်။ အဲဒါတွေကတော့ အတာသင်္ကြန်အခါတွင်
ရုဒံ- ငိုကြွေးခြင်းကိုသော်လည်းကောင်း၊ မေထုနဉ္စ-မေထုံမှီဝဲခြင်းကိုသော် လည်းကောင်း၊ မံသံ -ဟင်းမျိုးစိမ်းကို ဝယ်စားခြင်းမှသော်လည်းကောင်း၊ သူရ-သေရည်သေရက်သောက်ခြင်း ကို သော်လည်းကောင်း၊ကောဓောစ -အမျက်ထွက်ခြင်းကိုသော်လည်း ကောင်း၊ ရုဓံ- သွေးထုတ်ခြင်းကို သော်လည်းကောင်း၊ တေလိကံ- ဆေးဆီလိမ်းခြင်းကိုသော်လည်း ကောင်း၊ နကေရ-မပြုရာ၊ မရောင်း အပ်။ဣမာနိဒသ ကမ္မာနိ- ဤသို့ ဆယ်ပါးသောအမှုတို့ကို၊ သက္ကောပိ -သိကြားမင်းသော်လည်းကောင်း၊ ပရိဇ္ဇယေ-ဖဲကြဉ်ရာ၏။ မြန်မာသက်သက်အနေဖြင့် ဖေါ်ပြရမူ
(၁) ငိုကြွေးခြင်း၊ ပူဆွေးခြင်း။

(၂) လိင်ဆက်ဆံခြင်း။

(၃) သူတပါးအသက်သတ်ဖြတ်ခြင်း။

(၄) အရက်၊ မူးယစ်ဆေးဝါး သုံးစွဲခြင်း။

(၅) စိတ်ဆိုးခြင်း၊ ခိုက်ရန်ဖြစ်ခြင်း။

(၆) သွေးဖောက်၊ သွေးထုတ်ခြင်း။

(၇) ဆီလိမ်း၊ ဆေးလိမ်းခြင်း။

(၈) သစ်ပင်ခုတ်ဖြတ်ခြင်း၊ ထင်းခုတ်ခြင်း။

(၉) ကုန်ပစ္စည်းဝယ်ယူသိုလှောင်ခြင်း။

(၁၀) ကုန်ပစ္စည်းရောင်းချခြင်း၊ ဆိုင်ထွက်ခြင်း တို့ ဖြစ်ပါတယ်
ထို(၁၀)ပါးသေားအမှု့တို့ကို မကြဉ်ရှောင်သောသူတို့ အား နတ်သိကြား မင်းတို့သည် ခွေးသရေပေါ်တွင် မှတ်တမ်းသွင်းကာ မကောင်းသောကြည့်ခြင်းဖြင့် လူဆိုးစာရင်းသွင်း မှတ်တမ်းတင်ခြင်း ခံရတယ်လို့ မှတ်သားရပါတယ်
ဒါကြောင့် ပျို့ကဗျာတွေမှာ ”မင်္ဂလာစကား၊လင်္ကာကြားအံ့၊ ကြော်ကြားစုံစေ၊ သင်္ကြန်နေ့၌ မတွေ့ဝေးစွာ၊ ရှောင်ကုန်ရာသား၊ မသာနှလုံး၊ ညှိုးချုံးစိုးရိမ်၊မငြိမ်ပူဆွေး၊ ငိုကြွေးကုန်ထ၊ ကာမအရှာ၊ မေထု နာနှင့် ပါဏာသတ်ပုတ်၊ သောက် ထုတ်ရက်မ၊ မျက်ထွက်မာန၊ ပဋိယ နှင့်ဒေါသမလွတ်၊ ဆီပွတ်လိမ်းဆင်၊ သစ်ပင်ခုတ်ဖြတ်၊ သတ်ခတ်တုန် ရှောင်၊ အရောင်းအဝယ်၊ ဤတစ် ဆယ်ကို၊ လူ့ဝယ် နတ်ခွင်၊လူလိုစင် ထား၊မြင်းမိုရ်ဖျားဝယ်၊ သိကြားသော် မှ၊ မပြုရရာ၊ ကျမ်းလာသောအား၊ လင်္ကာကြားသည်။ ဤကားသင်္ကြန် အလိုတည်း” အဲသလိုစပ်ဆို ထားခဲ့ ပါတယ်။
သင်္ကြန်အတွင်းမှာ မကောင်းသော အပြု အမူ အပြောအဆို အကြံစည်တွေကို ရှေင်ကြဉ်ရပါတယ် ။
သင်္ကြန်ချိန်ခါ ပြုဖွယ်ရာများ
"မဟာသင်္ကြန်" နှင့် တွဲဖက်၍ "အတာ" ဟူသော ဝေါဟာရ၊ "အတာစား "ဟူသော ဝေါဟာရ တို့ကို ပြောဆို သုံးစွဲ နေတာကို တွေ့ရပါမယ် ။

"အတာ"ဟူသည် လောကီ အလို ဒဏ်သင့်ခြင်း ဖြစ်သည်။ တနည်းအားဖြင့် "အန္တ-အဆုံး End"ဟူသော ပါဠိပုဒ်မှ "အတာ" ဖြစ်လာသည်ဟုလည်း ကြံဆ ကြပါတယ် ။

ယင်းအလို အားဖြင့် "အတာ"ဟူသည် " နောက်ဆုံး ကာလ၊ အကျပိုင်း ကာလ" ကို ဆိုလိုပါတယ်
အတာရက်ကို ဤသို့ဆို

"အတာရက်"မှာ သင်္ကြန် အတက်ရက် ဖြစ်၏။နှစ်တနှစ်၏နောက်ဆုံးရက်ပင် ဖြစ်တယ် ။ သင်္ကြန်အတက်ရက်နှင့် မွေးနေ့ တိုက်ဆိုင်သူများသည် "အတာသင့်"သူများ ဖြစ် လာပါတယ်။

ဒါကိုပင် အတာစားသည် ဟု ပြောဆို သုံးစွဲနေကြပါသေးတယ် ။

အတာစားသည့် နေ့နံသားသမီးတို့သည် အတာတက် မည့် အချိန်အတိအကျတွင် "အတာစား" ရပါတယ်။ "အတာစား" ဟူသည် အတာတက်ချိန်မှာ ကောင်းမွန်သန့်ရှင်းစွာဝတ်စားဆင်ယင်လျှက် အရှေ့တောင်အရပ်သို့ မျက်နှာမူကာ ပူဇော်ရိုသေ ထိုက်သူများကို လှူဖွယ် ပစ္စည်းတို့ဖြင် ဆက်ကပ် ခြင်း စသည်ဖြင့် ဖေါ်ပြထားတာတွေ လေ့လာ ဖတ်ရှု့ရပါတယ်
အတာစားခြင်းအကျိုး အမျိုးမျိုး
အတာစားခြင်း၏အကျိုးကား----- အတာပုည၊ ကုသလကို၊ ပြုကြ ကုန်သော၊ အမျိုးသား၊ အမျိုးသမီးတို့သည် "အတာကမ္မံ ကရောန္တဿ မဟာဘောဂံ မဟာသုခံ မဟပ္ဖလံ စတုဒ္ဒိသံ ဝေရီဇေယျသုမင်္ဂလံ" ဟု ရှေးပညာရှိတို့ ရေးဖွဲ့ ခဲ့သည်နှင့် အညီထိုကဲ့သို့ ရတနာ သုံးပါး စသည်တို့အား လှူဒါန်း ပူဇော်ကြသော သူတို့ သည် ကောင်းကျိုး ချမ်းသာ မင်္ဂလာ တရား ပြန့်ပွား တိုးတက် ပြည့်စုံ ကုန် ရာသည်။" ဟု မှတ်သားရဖူးပါတယ်..
အတာအိုး အတာပန်း .....
အတာအိုးကို သင်္ကြန်ကို စောင့်ကြို သည့်အနေဖြင့် သင်္ကြန် မကျခင် ကြိုတင် ပြင်ဆင် ရသည်။

(၇) ရက်သားသမီးတို့ အတွက် ရည်ရွယ်၍ ပန်း ၇ မျိုးဖြစ်စေ၊ အညွန့် ၇ မျိုးဖြစ် စေ ရေပြည့်အိုးမှာ ထည့်ကြလေ့ ရှိပါတယ် ။

စာရေးသူတို့ အညာနယ်မှာတော့ သင်္ကြန်ကျသည်နှင့် တပြိုင်နက် အတာအိုးမှ ရေကို သွန်၍ သင်္ကြန်ပန်း၊ သင်္ကြန် အညွန့်တို့ကို အိမ်ဦး ၀င်းထရံ စသည်တို့၌ ထိုးစိုက်ကာ နှစ်သစ်မှာ ဘေးရန်ကင်းကွာ ကိုယ်စိတ်နှစ်ဖြာ ကျန်းမာ ချမ်းသာဖို့ ဆုတောင်းဆုယူပြုလေ့ရှိပါတယ် .။
ဦးခေါင်းဆေးမင်္ဂလာ ပြုလုပ်ကြခြင်း
သင်္ကြန် ရောက်ပြီဆိုပါလျှင် အစဉ်အလာအားဖြင့် ဦးခေါင်းဆေး မင်္ဂလာကိုလည်း ပြုလုပ်လေ့ ရှိကြပါတယ် ။ သင်္ကြန် ဟူသည် ဗသျှူသင်္ကြန်၊ အာရာမသင်္ကြန်၊ သမန္တသင်္ကြန် ဟု ၃ မျိုးရှိပါတယ် ။

ဗသျှူ သင်္ကြန်ဖြစ်က သင်္ကြန် မ၀င်မီ ဦးခေါင်းဆေး ကြရသည်။

အာရာမသင်္ကြန်ဖြစ်က သင်္ကြန်ဝင်ဆဲမှာ ဦးခေါင်း ဆေးကြ ရသည်။

သမန္တသင်္ကြန်ဖြစ်က သင်္ကြန်ကျပြီး ၂၄ မိနစ်မှာ ဦးခေါင်းဆေးကြရ သည်။

(သမန္တသင်္ကြန်ဖြစ်က တနာရီလွန်မှ ဦးခေါင်း ဆေးကြ ရသည်ဟုလည်း ပညာရှင်တို့ ဆိုကြပါ၏။)

သင်္ကြန် အမျိုး အစား ၁၂ မျိုးဟုလည်း သုတေသန သရုပ်ပြ အဘိဓာန်မှာ တွေ့ရ၏။ ရှေးမြန်မာတို့သည် မိမိတို့၏ ကိုယ်အင်္ဂါတွင် အမြင့်မြတ်ဆုံး ဖြစ်သော ဦးခေါင်းတွင် နှစ်ဟောင်းက ကပ်ငြိစွဲ ကျန်နေသော အညစ်အကြေး များ နှစ်သစ်သို့ ဆက်လက် မပါရှိစေရန် ရည်ရွယ်ချက်ဖြင့် ဦးခေါင်းဆေး မင်္ဂလာ ပြုခဲ့ကြပြီး အတိတ်ကောင်း ယူကာ ကိုယ်စိတ် သန့်ရှင်းမှုကို အကျိုးပြုရာ ရောက်သည်ဟု ယူဆခဲ့ကြပါတယ် ။



ဦးခေါင်းဆေးမင်္ဂလာပြုလုပ်သောကြောင့် အကျိုးရပုံကို သင်္ကြန်စာများတွင် အောက်ပါ အတိုင်း ဖော်ပြ ထားပါတာကို ဖတ်ရှု့ မှတ်သားရဘူးပါတယ်

"ဦးခေါင်းဆေးရသောအကျိုးကား---သင်္ကန္တေ၊ သင်္ကြန်ဟု ခေါ်ဆိုအပ်သော တနင်္ဂနွေဂြိုဟ်မင်း သည်။ ပုဏ္ဏမေ၊ အံသာ(၃၆၀) ရသဖြင့် တဘဂဂဏပြည့်၍ မိန်ရာသီ အ၀သာန် န၀င်းမှ မိဿ ရာသီ အာဒိန၀င်းသို့ ပြောင်းခဲ့သည် ရှိသော်။ က္ကူဓ၊ ဤ လူ့ပြည်၌။ မာဏ၀ါ၊ သတ္တ၀ါဟုခေါ်ဝေါ် အပ်ကုန်သော။ မနုဇာ၊ လူအပေါင်း တို့သည်။ သိရာ၊ ဦးခေါင်းဆေးကုန်ရာ၏။

တေသံ၊ ထိုဦး ခေါင်းဆေး ကုန်သော သူတို့အား။ သတ္တဘာဂီ၊ ခုနှစ်နှစ်ကဖြစ်ကုန်သော။ ရောဂီ၊ အနာမျိုးတို့ သည်။ ၀ိနာသေယျူံ၊ ကင်းပျောက်ကုန်ရာ၏။ သုခဘာဂီ-ချမ်းသာခြင်း၏ အဘို့  ဖြစ်ကုန်သော။ သတသဟဿာနိ၊ တသိန်းသော အကျိုးတို့သည်။ ဘဝေယျူံ၊ ဖြစ်ကုန်ရာ၏။"
ဤအထက်ဖေါ်ပြပါအတိုင်း နှစ်သစ်မှာ ကောင်းကျိုး ကျက်သရေ မင်္ဂလာအပေါင်းနဲ့ ပြည့်စုံရအောင် သင်္ကြန်ကာလများမှာ ဦးခေါင်းဆေး မင်္ဂလာများ ပြုလုပ်ရခြင်းဖြစ်တယ်လို့ နားလည်ရပါတော့တယ်
နိဂုံးချုပ်အားဖြင့် မူ သင်္ကြန်ဆိုတာ ပြောင်း လဲ ခြင်းလို့ နားလည်ခဲ့ရပါပီ .. ဒီ ပြောင်းလဲ ခြင်းဟာ ဘယ်တော့မှများ အဆုံးသတ်ပါလိမ့်ဟုလဲ တွေးကြည့်မိပါတယ်...ပုထုဇဉ်ဘ၀ နဲ့ သံသရာတစ်ခွင် ကျင်လည်ခဲ့ရအုံးမယ်ဆိုရင်ဖြင့် နိမ့်တုံတခါ မြင်ဘုံတစ်လှည့်ဖြင့် ပြောင်းလှည့်နေအုံးမှာဖြစ်တော့ တော်ရုံနဲ့ အဆုံးမသတ်နိုင်တော့ဘူးလို့ တွေးမိပါတယ်....
လောကကြီး ထဲမှာ လူဖြစ်လာပြီး ရေကြည်ရာ မြက်နုရာ လှည့်လည်နေကြသူတွေဟာ တစ်နေရာကနေ တစ်နေရာဆီ ပြောင်းရွှေ့ပြီဆိုပါရင် ကိုယ်နဲ့ဆိုင်သည် ပစ္စည်းများကို သိမ်းဆည်း သယ်ဆောင်သွားတတ်ကြပါတယ် ၊ အဲဒီလိုအခါမျိုးမှာလဲ ကောင်းနိုးနိုးရာရာ တန်ဖိုးရှိ သည့် မိမိနဲ့ အသုံးတည့်သော အရာများကိုသိမ်းဆည်း လေ့ရှိကြပါတယ် ။ တန်ဖိုးမဲ့ တဲ့ အရာတွေကို စွန့် ကာ ထားခဲ့ပြီး တန်ဖိုးကြီးပစ္စည်းကို သာ မိမိနဲ့ တပါးတည်း သယ်ဆောင်သွားတတ်ကြတာကို သတိပြုမိပါတယ်
ဒီပုံသဖွယ်ပါပဲ...မိမိတို့ဟာ အမြဲမရှိလေသော သင်္ခါရ လောကနယ်မှာ လူဖြစ်လာကြသူတွေမို့ တစ်နေရာတည်းမှာ ထာဝရ ဆိုတာတော့ မဖြစ်နိုင်ဘူးပေါ့ ... နိမ့်ရာကနေ မြင့်ရာဆီ ၊ ဆိုးရာကနေ ကောင်းရာဆီ ..ကျရှုံးမှု့ မှသည် အောင်မြင်မှု့ဆီ ... ဒေသ တစ်ခုကနေ ဒေသ တစ်ခုဆီ စသည် စသည် ဖြင့် ပြောင်းရွှေ့ရမှာတော့ သေချာပါတယ်.. နောက်ဆုံး တော့ ဒီဘ၀ ဒီခန္ဓာကို စွန့်ခွာလို့ တမလွန်ဆိုတဲ့ နောင်ဘ၀ ဆီ အထိ ပြောင်းရွှေ့ရအုံးမယ်..
သတ္တ၀ါတွေမှာ ကံသာလျှင်ကိုယ်ပိုင် ဥစ္စာ ရှိပေရာ ဒီလို ပြောင်းရွှေ့တဲ့အခါမှာ တန်ဘိုးနဲ ပြီး အပါယ်ကို ဆွဲချနိုင်တဲ့ အကုသိုလ်ကံ ဥစ္စာတွေကိုပဲ သိမ်းဆည်း သယ်ဆောင်သွားကြမည့်အစား ...တန်ဖိုးကြီးပြီး မြင့်မြတ်သော အထက်တန်းကျ မျက်နှာပန်းလှတဲ့ ဘုံဘ၀တွေ ကို ရောက်စေနိုင်သည့် ကုသိုလ်ကံ တည်းဟူသော ဥစ္စာတွေကို သယ်ဆောင်သွားနိုင်ရင် အကောင်းဆုံးမဟုတ်ပါလား
ဒါကြောင့် တစ်နှစ်မှသည် တစ်နှစ်ဆီသို့ ရွှေ့ပြောင်းသော ဒီသင်္ကြန် အခါ အကြောင်း လေ့လာဆည်းပူးရင်း နှစ်သစ်ကြိမ်ရာ မင်္ဂလာရှိသော သင်္ကြန်အခါကာလမှာ ကောင်းမြတ်လှသော ဒါန ၊ သီလ၊ ဘာဝနာ မြတ်ကောင်းမှု့တွေကို ကြိုးစားပြုလို့ နှစ်ဟောင်းက အကုသိုလ်အညစ်ကြေး အပြစ်ဘေးထိုက်သည့် ဒုစရိုက်တွေကို နှစ်ခဲ့ ကြပါစို့လား ...နှစ်သစ်မှာ ကုသိုလ် သုစရိုက်တရားတွေနဲ့ ဘ၀ကို သစ်လွင်တောက်ပြောင်လာအောင် ရွက်ဆောင်ကြပါစို့လားလို့ တိုက်တွန်းရင်း စာရေးသူရဲ့ အတွေးလေးတွေကို နိဂုံးချုပ်ပါရစေ
မေတ္တာသီသေန စိတ္တေန ..........အရှင်နန္ဒ၀ံသ ။ဇေယျသုခ ဓမ္မရိပ်သာ ၊(Amarillo,Texas,U.S.A)
၀၄-၀၃-၂၀၁၂

နှစ်သစ်ကူးပြောင်းခြင်းနှင့်အတူအဓိပ္ပါယ်ရှိအကျိုးရှိသောအလုပ် (သတိပဋ္ဌာနဓမ္မရိပ်သာ)စခန်းပွဲဖိတ်ခေါ်လွှာ

    အကြောင်းအမျိုးမျိုးဖြင့် မလေးရှားသို့ရောက်ရှိနေကြသူများအားလုံးကို မြန်မာ့နှစ်သစ်ကူးကာလအတွင်း သတိပဋ္ဌာန်တရားစခန်းဝင်ရောက် ကြပါရန်နှင့် ရဟန်းဘောင်ဝင်ရောက်၍တရားအားထုတ်ကြနိုင်ပါရန် ဖိတ်ခေါ်အပ်ပါသည် မိမိ၏ဆွေမျိုးသားချင်းမိတ်ဆွေများကိုရဟန်းဘောင်သွပ်သွင်းပေးလို၍သော်၎င်း မိမိကိုယ်တိုင် ဒုလ္လဘရဟန်းဝတ်တရားအားထုတ်လို၍သော် လည်းကောင်း ယနေ့ယခု အချိန်မှစ၍အောက်တွင်ဖော်ပြပါရှိသော ကျောင်းထိုင်ဆရာတော်၏ ဖုန်းနံပါတ်ကို တိုက်ရိုက်ခေါ်ဆိုလျှောက်ထားနိုင်ကြပါပြီ ၁၀ရက် ၄လ ၂၀၁၂ မတိုင်မှီ စာရင်းပေးသွင်းထားရမှာဖြစ်ပြီး
၁၁ရက်နေ့ နံနက် ၉ နာရီ ကျောင်းသို့  အောက်ပါလိပ်စာအတိုင်း အရောက်လာကြရပါမည်။
ယောဂီများနှင့်ဒုလ္လဘရဟန်းဝတ်လိုသူများအားလုံးအတွက် မည်သည့်ကုန်ကျစရိတ်မှ မလိုအပ်ပါကြောင်းကြိုတင်အသိပေးအပ်ပါသည်။ အကယ်၍အကြောင်းအမျိုးမျိုးကြောင့်သတ်မှတ်ချိန်ထက်
နောက်ကျ၍သော်လည်းကောင်း စော၍သော်လည်းကောင်း တရားစခန်းဝင်ရောက်လိုပါကလည်း ကြိုတင်လျှောက်ထားနိုင်ပါသည်။
ရဟန်းသံဃာများ နှင့် စခန်းဝင်ယောဂီများ အတွက် အရုဏ်ဆွမ်း ၊ နေ့ဆွမ်း ၊ စတုဒီသာ ၊ ဖျော်ရည် ၊ သစ်သီး အစရှိသော လှူဖွယ်ရာများကို ၁၁ ရက်နေ့ မှ ၁၆ ရက်နေ့ အထိ နေ့အလိုက် မိမိ ဆွမ်းဒါနပြုလိုသောနေ့ အချိန်များကို ကြိုတင် လျှောက်ထားနိုင်ပါပြီ။
                                           သတိပဋ္ဌာနဓမ္မရိပ်သာ
          အမှတ် ၃၇ ၊ ဒုတိယထပ် ၊ လမ်း အမှတ် ၃/၁၀၈(c) ၅၇၁၀၀ ၊ တမန်ဆွန်ဂိုင်းဘီစီ
                                        ကွာလာလမ်ပူ ၊ မလေးရှား
                                    ကျောင်းထိုင်ဆရာတော် ဦးနာရဒ


                                             ၀၁၆ ၆၀၂၅၅၃၆


                                        Stipatthana Dhamma Centre
                         jalan 3/108c , Taman Sungai Besi , Pox.57100 ,
                                         Kuala Lumpur , Malaysia
                                                                     နိဗ္ဗာန်ကျိုးမျှော်၍နိုးဆော်လိုက်ရပါသည်


                                                                           ဗုဒ္ဓသာသနာနုဂ္ဂဟအသင်း
                                                                                   (မလေးရှား)

ပိတ်ရက်လေးရတုန်းမှာ အလုပ်လုပ်ကြရအောင်

                 တရုတ်နှစ်သစ်ကူးကာလ ပိတ်ရက်ရှည်ရကြအုန်းမယ့် ပြည်ပရောက်အလုပ်သမားတွေ အလုပ်ပိတ်ရက်လေးရတုန်းမှာ သံသရာအတွက် အကျိုးဖြစ်စေမယ့် အလုပ်ကအသင့်စောင့်နေပြန်ပါပြီ ယခင်နှစ်တွေမှာလဲ အလည်အပတ်တွေ အပျော်အပါးတွေကို စွန့်ပြီး ရောက်လာသူတွေ အများကြီးပါပဲ ဒီနှစ်အတွက်ကို ဒီနေ့ကစပြီး ကြိုတင်စာရင်းပေးသွင်းထားနိုင်ပါပြီ ကွာလာလမ်ပူမြို့ တမန်ဆွန်ဂိုင်းဘီစီအရပ်မှာရှိတဲ့ သတိပဋ္ဌာနဓမ္မရိပ်သာ မှာ တရားစခန်းဝင်လိုတဲ့ ရဟန်းယောဂီ လူယောဂီ အမျိုးသား အမျိုးသမီး မည်သူမဆို နာယကကျောင်းထိုင်ဆရာတော်ဘဒ္ဒန္တနာရဒ ၀၁၆၆၀၂၅၅၃၆ ကိုတိုက်ရိုက်ဆက်သွယ်ပြီး စာရင်းပို့ထားနိုင်ပြီဖြစ်ပါတယ် လူဦးရေ ၂၀ သာလက်ခံမည်ဖြစ်တဲ့ အတွက် နောက်ကျနေလို့တော့ မဖြစ်ဘူးဆိုတာအသိပေးပါရစေ လူဝတ်ကြောင်ယောဂီအဖြစ် တရားစခန်းဝင်ရန် ဒုလ္လဘရဟန်းဝတ်ရန် ရှင်သာမဏေပြုရန် အတွက် မည်သည့်ကုန်ကျစရိတ်မှ မရှိကြောင်းလည်းကြိုတင်အသိပေးအပ်ပါသည်။ ကိုယ်တိုင်တရားစခန်းမဝင်နိုင်လို့ ရဟန်းယောဂီများ လူယောဂီများ၏ ဆွမ်းကွမ်းဝေယျာဝစ္စ ဖြည့်ဆည်း ဒါနပြုလိုသူများအားလည်း မိမိ တာဝန်ယူလိုသော ဆွမ်းပို့ရမည့်နေ့ အချိန်များကို စုံစမ်းနိုင်ပါပြီ ။

စတင်မည့်ရက် ၂၁.၁.၂၀၁၂ စနေနေ့

ပြီးဆုံးမည့်နေ့ ၁.၂.၂၀၁၂ တနင်္ဂနွေနေ့

မိမိသည် ခွင့်ရက်ရှည်မရပါ သို့သော် ရက်ပိုင်းမျှ စခန်းဝင်လိုပါကြောင်းကိုလည်း အကြောင်းကြားမေးမြန်းနိုင်ပါသည် ။

stipatthana meditation centre , no.37 second floor , jalan 3/108c .

taman sungai besi . (57100) kuala lumpur , Malaysia .

office: 03 7971 3267 ... hp: 016 6025536

www.stipatthana.blogspot.com Dewanoble@gmail.com

ပဌမအကြိမ်စုပေါင်းမဟာဘုံကထိန် ဖိတ်ကြားလွှာ

                                    ပဌမအကြိမ် ကထိနဒါန အလှူတော်မင်္ဂလာ

           ဘုရားမှာစိန် ၊ ကျောင်းမှာသိမ် ၊ သင်္ကန်းမှာကထိန် ဆိုတဲ့အမြတ်ဆုံးသောကောင်းမှုတို့ကို ပေါင်းစု၍ပြုနိုင်ရန် အခွင့်အခါကောင်းကို ဗုဒ္ဓသာသနာနုဂ္ဂဟအသင်း အကျိုးတော်ဆောင်အဖွဲ့မှ ပထမဆုံးအကြိမ် အခွင့်အလမ်းအဖြစ် နိဗ္ဗာန်စခန်း ဖွင့်လှစ်လိုက်ပါပြီ 

               အို ဓမ္မမိတ်ဆွေ သူတော်စင်အပေါင်းတို့ ကုသိုလ်ပွဲမို့ အတူနွှဲဖို့ ခိုင်မြဲတဲ့ သဒ္ဓါတရားနဲ့ လက်တွဲကြပါစို့လို့ လေးစားစွာ ဖိတ်ကြားလိုက်ရပါသည်။ 

                                       ကထိန်သင်္ကန်းလှူရသော အကျိုးငါးပါး

                                        ၁။   တားဆီးကင်းကွာ လွတ်လပ်စွာ

                                              လိုရာသွားနိုင်သည် ။

                                        ၂။   ကိုယ်၏ဥစ္စာ ကိုယ်နှင့်ကွာ

                                              လိုရာထားနိုင်သည် ။

                                        ၃။   စားကောင်းသောက်ဖွယ် အသွယ်သွယ်

                                              ပေါကြွယ်ပြည့်စုံသည် ။

                                        ၄။   ပစ္စည်းဥစ္စာ ရတနာ

                                              လွန်စွာပေါကြွယ်သည် ။

                                        ၅။   ပစ္စည်းရှာရာ ကိုယ်ကသာ

                                              လွယ်စွာရနိုင်သည်  ။

                                              တနေ့တခြား ဒီရေလားတိုးပွားချမ်းသာမည်။

                                  ( ညောင်ကန်အေးဆရာတော်ကြီး ဘဒ္ဒန္တ ဒေါက်တာဣန္ဒက )

                                                 အခမ်းအနားအစီအစဉ်

         နေ့ရက် ...........   တန်ဆောင်မုန်းလဆန်း(၄)ရက် ၃၀၊၁၀၊၂၀၁၁ တနင်္ဂနွေနေ့

         အချိန်   ...........   နံနက် (၉)နာရီမှ  နေ့လည် (၁) နာရီအထိ

         နေရာ   ...........   သတိပဋ္ဌာနဓမ္မရိပ်သာ (အမှတ်၃၇) ဒုတိယထပ် ၊ jalan 3/108c

                                 { Taman Sungai Besi . တမန်ဆွန်ဂိုင်းဘီစီ } PUBLIC BANK အနီး

                                                       KUALA LUMPUR

          ဆက်သွယ်ရန်...   Office :                     03 7971 3267

                                  ဦးရောဘတ်                ၀၁၂ ၉၇၃၂ ၃၈၁

                                  ဦးဇော်မင်း                  ၀၁၆ ၂၄၁၀ ၈၃၃

                                  ဒေါ်လွင်လွင်မြင့်           ၀၁၆ ၃၀၇၇ ၀၆၃

                       INVITATION TO THE UNION KATHANA CELEBRATION

Robe Offering on Kathina Day
We would also like to invite all devotees to come for the Kathina ceremony. You have the opportunities to offer robes and other requisites to the Sangha during the event.
 

Kathina Day  .... 雨撤退日结束（kathina一天）

16 October 2011 (Sunday)
9.00 am : -The Main Sponsor and all devotees to be seated.主赞助商和所有信徒坐下。
               -The Sangha to be seated. 机制围绕牧师众依 
               -Offering of Kathina robes and requisites to the Sangha by the Main Sponsor
              -followed by devotees.僧伽由信徒所遵循的主要赞助商提供Kathina长袍和先决条件
              - Lunch for all devotees 所有信徒的午餐
              -Sanghikadana – Offering lunch to the Sangha . Sanghika达纳 - 提供午餐僧伽
              -Taking of 5 precepts by the devotees. Paritta chanting by the Sangha. 信徒诵三  
                 皈依五戒，僧侣诵经祝福
              - Sharing of Merits. 共享的优点
 1.00 pm :  -End of Celebration 
KATHINA ROBE OFFERING

Kathina civara means....
robes are offered to the Sangha in a monastery only once a year and during a specified period, which starts from the end of Vassa to the next full moon day. In other words, Kathina robes can be offered between the days following the full moon of October to the full moon of November. Kathina robes are offered to the Sangha, and not to any individual monk. Thus, the offering of Kathina robes to the Sangha is indeed a very rare opportunity.
          Offering of kathina robes was originally made to a group of bhikkhus known as the Bhaddavaggi Brothers of Paveyya region. The Buddha allowed a special form of robe offering to the members of the Sangha who were in need of robes. This special offering is purely voluntary. Bhikkhus are not supposed to ask for such offering even from their own parents. Robes are offered to the Sangha and not to any individual bhikkhu. These offerings are placed before the members of the Sangha who have observed their rains retreat. A prescribed ritual is held in a sima (hall) by the Sangha before distributing the offerings to the needy bhikkhus in the presence of the assembly. This special offering of robes brings five kinds of benefit to the donors:

These five benefits are as follows:
1.The donor will always have safe journey without worry, danger or obstacle.
2.They will never suffer shortage of food and will not be harmed by poisoned food.
3.They will not suffer loss by robbery or theft.
4.They will not suffer loss by natural disasters.
5.They can easily accomplish what they set out to do.
May all the donors of the Kathina robes and devotees be well and happy! May they attain Nibbana!

                                                           

ကထိန်အကြောင်း သိကောင်းစရာ

ဗုဒ္ဓဘာသာဝင်ပုဂ္ဂိုလ်တို့သည် ကထိန်ခင်းခြင်း, ကထိန်အလှူပွဲပြုလုပ်ခြင်းတို့ကို အလွန်ပင် စိတ်ဝင်စားကြ ပေသည်၊ ကထိန်အလှူများသို့ မိသားစုတို့ တပျော်တပါး သွားလေ့ရှိကြပေသည်၊ ကထိန်အလှူရှင် များကလည်း ဝမ်းမြောက်ဝမ်းသာ ကြိုဆို ကျွေးမွေးလေ့ရှိကြပေသည်၊ စားဖွယ်သောက်ဖွယ် တို့ကို အထူးစီမံ၍ ကျွေးမွေးလေ့ရှိကြပေသည်၊ ကထိန်အလှူပွဲသို့ လာရောက်ကြသူများကလည်း ပျော်ပျော်ပါးပါး သုံးဆောင် မှီဝဲစားသောက်ကြပေသည်၊ ကထိန်အနုမောဒနာတရား ကိုလည်း ကထိန်အလှူရှင်များနှင့် အတူ နာယူလေ့ရှိကြပေသည်၊ ၁-နှစ်မှ တကြိမ် လှူဒါန်းခွင့်ရသောကြောင့် အလွန်အကျိုးကြီးမြတ်သည်ဟု ယုံကြည်ကြပေသည်၊ သင်္ကန်းမှာ ကထိန်, ကျောင်းမှာ သိမ်-ဟူ၍ပင် ဆိုရိုးပြုကြပေသည်။

ကထိန်နှင့်စပ်၍ သိဖွယ်ရာများမှာ-
၁။ ကထိန်ဆိုသည့်စကား၏ အဓိပ္ပါယ်
၂။ ခင်းဆိုသည့် စကား၏ အဓိပ္ပါယ်
၃။ ကထိန်ခင်းရခြင်း အကြောင်း
၎။ ကထိန်ခင်းရခြင်း အကျိုး
၅။ ကထိန်အလှူ မွန်မြတ်သည်ဟု ဆိုရခြင်း ဤ ၅-မျိုးမှာ သိဖွယ်ရာကောင်းလှပေသည်။

၁။ ကထိန်-ဟူသောစကားသည် ကထိန-ဟူသော ပါဠိစကားမှ သက်ဆင်းဖြစ်ပေါ်လာသော စကား ဖြစ်ပေသည်၊
ကထိန်-ဟူသောပါဠိက မြဲခြင်း-ဟူသော အနက်ကို ဟောပါသည်။
မြဲခြင်းအမျိုးမျိုးတို့တွင် အချိန်ကာလ မြဲခြင်းနှင့် အကျိုးတရား မြဲခြင်းတို့ကို ဟောပါသည်၊
ကထိန်-ဟူသည် အချိန်ကာလအားဖြင့်လည်း မြဲ၏။ အကျိုးတရားအားဖြင့်လည်း မြဲ၏-ဟု အဓိပ္ပါယ်ရပါသည်။

( အချိန်ကာလမြဲပုံ )
မြတ်စွာဘုရား သတ်မှတ်ပေးထားသော အချိန်ကာလအတွင်းမှာသာ ကထိန်ခင်းခြင်းကို ပြုလုပ်ကြရ သောကြောင့် ကထိန်သည် အချိန်ကာလအားဖြင့် မြဲပေသည်။
သီတင်းကျွတ် လပြည့်ကျော် ၁-ရက်နေ့မှစ၍ တန်ဆောင်မုန်း လပြည့်နေ့တိုင်အောင် တလအတွင်းမှာသာ ကထိသင်္ကန်းလှူခြင်း၊ ကထိန်ခင်းခြင်းကို ပြုလုပ်ရမည်ဟု မြတ်စွာဘုရား၏ အမိန့်အာဏာတော်ဖြင့် ပိုင်းခြားသတ်မှတ်ပေးထားသောကြောင့် တစ်လအတွင်းမှာသာ ကထိန်ခင်းခြင်းကို ပြုလုပ်ကြရပေသည်၊ အခြားသော နတ်တော် ပြာသိုလ် တပို့တွဲ စသော လများသို့ ပြောင်းရွှေ့ကာ ကထိန်ခင်း၍ မရကြပေ၊ သို့ဖြစ်၍ ကထိန်သည် အချိန်ကာလအားဖြင့် မြဲခြင်းဖြစ်ပေသည်။
ဆောင်။ ။ အချိန်ကာလ, ပြောင်းမရ, မြဲလှကထိန်မည် ။

( အကျိုးမြဲပုံ )
ကထိန်ခင်းသောကျောင်းတိုက်၌ နေထိုင်ကြသည့် (ပုရိမဝါမှ ထသော) ရဟန်းတော်တို့သည် ကထိန်အကျိုး ၅-ပါးကို ရရှိစေ-ဟု မြတ်စွာဘုရား ခွင့်ပြုပေးသနားတော်မူသော အကျိုးတရား ၅-ပါးကို သီတင်းကျွတ်လပြည့်ကျော် ၁-ရက်နေ့မှစ၍ တပေါင်းလပြည့်နေ့တိုင်အောင် ၅-လအထိ မြဲစွာတည်နေ၏၊ တပါးသောလများသို့ ကထိန်အကျိုးတရားများ ပြောင်းသွားခြင်း ရွေ့သွားခြင်း မရှိပေ၊ သို့ဖြစ်၍ ကထိန်သည် အကျိုးတရားအားဖြင့်လည်း မြဲခြင်းဖြစ်ပေသည်။
ဆောင်။ ။ အကျိုးတရား, ရွေ့မသွား, မြဲငြား ကထိန်မည်။

၂။ ခင်းခြင်းဟူသည်-ကထိန်အကျိုးများကို ကျယ်ပြန့်သွားအောင် ပြုလုပ်ခြင်းပင် ဖြစ်ပေသည်၊

ကထိန်မခင်းသော ကျောင်းတိုက်၌ နေထိုင်ကြသော ရဟန်းတော်တို့သည် သီတင်းကျွတ်လပြည့်ကျော် ၁-ရက်မှစ၍ တန်ဆောင်မုန်းလပြည့်နေ့အထိ ၁-လသာ ကထိန်အကျိုးကို ရရှိကြပေသည်၊
ကထိန်ခင်းသော ကျောင်းတိုက်၌ နေထိုင်ကြသော ရဟန်းတော်တို့သည် ၁-လမှ ၅-လအထိ ကျယ်ပြန့်၍ အကျိုးတရားများကို ရရှိကြပေသည်။
ဆောင်။ ။ တလကျိုးကား, ငါးလပွား, ပြန့်သွား ခင်းသည်မည်။

ဥပမာ-မိမိတို့အိမ်သို့ ဧည့်သည်များ ရောက်ရှိလာ၍ ငါးခေါက်ခေါက်ထားသော ကော်ဇောကြီးကို

ခင်းချ ဖြန့်ချလိုက်သောအခါ တဆမှ ငါးဆသို့ ကျယ်ပြန့်သွားသကဲ့သို့ ထို့အတူ ဒကာ ဒကာမများက ကထိန်သင်္ကန်းကို လှူဒါန်းလိုက်သောအခါ သံဃာတော်များက ဝိနည်းကံဖြင့် ကထိန်ခင်းလိုက်သည် ရှိသော် သီတင်းကျွတ်လပြည့်ကျော် ၁-ရက်နေ့မှစ၍ တန်ဆောင်မုန်းလပြည့်နေ့အထိ ၁-လသာ ရရှိသော အကျိုးမှ တပေါင်းလပြည့်နေ့တိုင်အောင် ၅-လအထိ ကထိန်အကျိုးတရားများ ကျယ်ပြန့်သွားပေသည်၊ ကထိန်အကျိုးတရား ၅-ပါးကို ရဟန်းတော်များ ၁-လမှ ၅-လအထိ ကျယ်ပြန့်စွာ ခံစားခွင့် ရရှိကြပေသည်။
ဤကဲ့သို့ ဒကာ ဒကာမများက သင်္ကန်းလှူ၍ ဆရာတော် သံဃာတော်များက ၁-လမှ ၅-လအထိ ကထိန်အကျိုးတရား ကျယ်ပြန့်သွားအောင် ဝိနည်းကံဖြင့် ပြုလုပ်ခြင်းကိုပင် ခင်းသည်ဟု ဆိုရပါသည်။

၃။ ကထိန်ခင်းရခြင်းအကြောင်းမှာ-
မြတ်စွာဘုရားလက်ထက်တော်အခါက ပါဝေယျကတိုင်းသား ရဟန်း (၃ဝ) တို့သည် မြတ်စွာဘုရားကို ဖူးမြင်ဖို့ရာ ရောက်လာကြရာတွင် သင်္ကန်းကို မိုးစိုး၍ သင်္ကန်းဖြင့် ပင်ပန်းနေကြသောကြောင့် ကထိန်ခင်းခြင်းကို ခွင့်ပြုတော်မူခဲ့ပါသည်။

ပါဝေယျကတိုင်းသား ရဟန်း (၃ဝ)တို့၏ ရဟန်းဖြစ်လာရခြင်းအကြောင်းမှာ-
မြတ်စွာဘုရား ဘုရားဖြစ်ပြီး၍ တစ်ဝါရပြီးသောအခါ ဗာရာဏသီပြည်မှာ ကျွတ်ထိုက်ကြသော ဝေနေယျများကို ထောက်ထားရှုမျှော်ကာ အလိုတော်အတိုင်း သီတင်းသုံးနေထိုင်တော်မူပြီးနောက် ဥရုဝေလတောသို့ ကြွသွားတော်မူ၍ သစ်ပင်ရင်းတခုမှာ သီတင်းသုံးနေတော်မူ၏၊ ထိုအခါ ကောသလမင်းကြီးနှင့် ဘတူမိကွဲ ဘဒ္ဒဝဂ္ဂီ ညီနောင် (၃ဝ)တို့သည် ဥရုဝေလတောထဲသို့ ဇနီးမယားတို့နှင့် တကွ ဥယျာဉ်ကစား ပျော်ပါးဖို့ရာ ရောက်လာကြပေသည်၊ ထိုညီနောင် ၃-ကျိပ်တို့အနက် မင်းသားတယောက်မှာ ဇနီးမယား မရှိ၍ ပြည့်တန်ဆာမကို အငှါးမယားအဖြစ် ခေါ်ခဲ့ရသည်၊ ထိုပြည့်တန်ဆာမသည် မင်းသားတို့ မေ့မေ့လျော့လျော့ဖြစ်၍ ပျော်ပါးကစားနေကြစဉ် မင်းသား၏ ပစ္စည်းဥစ္စာဘဏ္ဍာများကို ခိုးယူ၍ ထွက်ပြေးသွားလေသည်၊ မင်းသား ၃ဝ-တို့သည် ခိုးယူထွက်ပြေးသွားသော အမျိုးသမီးကို လိုက်ရှာကြရာ မြတ်စွာဘုရားကို တွေ့မြင်ကြလေ၏၊ မြတ်စွာဘုရားထံ ချဉ်းကပ်၍

(ဘန္တေ ဘဂဝါ ဧကံ ဣတ္ထိံ ပေဿယျ အပိ) ရှင်တော်မြတ်ဘုရား အမျိုးသမီးတယောက်ကို တွေ့မြင်မိပါသလားဘုရား -ဟု လျှောက်၏။
မြတ်စွာဘုရားက-(ကိံ ပန ဝေါ ကုမာရာ ဣတ္ထိယာ-) မင်းသားတို့ သင်တို့သည် အမျိုးသမီးကို ဘယ်အတွက် လိုက်ရှာနေကြပါသနည်း-ဟုမေးသော်
မင်းသားတို့က-(ဣဓ မယံ ဘန္တေ တိံသမတ္တာ ဘဒ္ဒဝဂ္ဂိယာ သဟာယကာ သပဇာပတိကာ ဣမသ္မိံဝနသဏ္ဍေ ပရိစာရိမှာ၊ ဧကဿ ပဇာပတိ နာဟောသိ၊ တဿ အတ္ထာယ ဝေသီ အာနီတာ အဟောသိ၊ အထ ခေါ သာ ဘန္တေ ဝေသီ အမှေသု ပမတ္တေသု ပရိစာရေန္တေသု ဘဏ္ဍံ အာဒါယ ပလာယိတ္ထ၊ တေ မယံ ဘန္တေ သဟာယကာ သဟာယကဿ ဝေယျာဝစ္စံ ကရောန္တာ တံ ဣတ္ထိံ ဂဝေသန္တာ ဣမံ ဝနသဏ္ဍံ အာဟိဏ္ဍာမ-)
ရှင်တော်မြတ်ဘုရား တပည့်တော်တို့သည် မိမိတို့ဇနီးမယားနှင့်အတူ ဤတောအုပ်၌ ထိုထိုဤဤ လှည့်လည်ကုန်လျက် ပျော်ပျော်ပါးပါး ခံစားခဲ့ကြပါကုန်သည်ဘုရား၊ တပည့်တော်တို့ ၃-ကျိပ်တို့အနက် မင်းသားတယောက်မှာ ဇနီးမရှိပါဘုရား၊ ထိုမင်းသားအတွက် ပြည့်တန်ဆာမတယောက်ကို ခေါ်ဆောင်ခဲ့ပါသည်ဘုရား၊ ယခု ထိုပြည့်တန်ဆာမက တပည့်တော်တို့ မေ့လျော့ပျော်ပါးနေကြစဉ် ဘဏ္ဍာကိုယူ၍ ထွက်ပြေးသွားပါသည်ဘုရား၊ ထိုအမျိုးသမီးတယောက် ပျောက်သွားသဖြင့် လိုက်ရှာရသည့်အကြောင်း လျှောက်ထားကြလေသည်။

ထိုအခါ မြတ်စွာဘုရားက-(တံ ကိံ မညထ ဝေါ ကုမာရာ၊ ကတမံ နုခေါ တုမှာကံ ဝရံ၊ ယံ ဝါ တုမှေ ဣတ္ထိံ ဂဝေသေယျာထ၊ ယံ မယံ အတ္တာနံ ဂဝေသေယျာထ)
မင်းသားတို့ ယခုငါပြောမည့်စကားကို သင်တို့ ဘယ်လိုမှတ်ထင်ကြသနည်း-သင်တို့သည် ပျောက်သွားတဲ့ မိန်းမကို ရှာခြင်းနှင့် မိမိကိုယ်ကို ရှာခြင်းတို့တွင် အဘယ်ရှာခြင်းက ပိုမြတ်ပါသနည်း-ဟု မေးတော်မူ၏၊ ပါရမီရင့်နေကြသော မင်းသားတို့က မိမိကိုယ်ကို ရှာခြင်းက ပို၍မြတ်ပါသည်ဘုရား-ဟု လျှောက်ထားကြလေ၏၊
ဤကဲ့သို့ မိမိကိုယ်ကို ရှာခြင်းက ပိုမြတ်တယ်ဆိုရင် သင်တို့ ထိုင်ကြကုန်လော့၊ သင်တို့အား ငါဘုရား တရားဟောမည်-ဟု မိန့်တော်မူပြီး
၁။ ဒါနကထာ-ဒါနနှင့်စပ်သောစကား
၂။ သီလကထာ-သီလနှင့်စပ်သောစကား
၃။ သဂ္ဂကထာ-နတ်ပြည်နှင့်စပ်သောစကား
၎။ ကာမာနံ အာဒီနဝကထာ-ကာမဂုဏ်တို့၏ အပြစ်နှင့်စပ်သောစကား
၅။ နေက္ခမ္မေ အာနိသံသကထာ-ကာမဂုဏ်တို့မှ ထွက်မြောက်ခြင်း၌ အကျိုးနှင့်စပ်သောစကား
ဤဒေသနာတော်အစဉ်ကို ဟောတော်မူ၏။
တရားတော်ကို နာကြားရသဖြင့် မင်းသားတို့စိတ်သည် နူးညံ့လျက် နီဝရဏကင်းစင် စိတ်ထားကြည်လင်နေကြ သည်ကို သိတော်မူသော ဘုရားရှင်သည် ဒုက္ခ, သမုဒယ, နိရောဓနှင့် မဂ္ဂ-ဟူသော သစ္စာလေးပါး တရားတော်ကို ဟောဖော်ညွှန်ပြတော်မူလေ၏။
ထိုအခါ မင်းသားတို့၏ သန္တာန်အသီးသီးဝယ် ညစ်ကြေးမတင် သန့်ရှင်းစင်ကြယ်သော အဝတ်ဖြူ၌ ဆိုးရေသည် ကောင်းစွာစွဲသကဲ့သို့ ဒိဋ္ဌိ ဝိစိကိစ္ဆာ-စသော မြူအညစ်အကြေးကင်းသော ဓမ္မဉာဏ်မျက်စိ ဖြစ်ပေါ်လာလေ တော့၏။
အချို့က သောတာပတ္တိမဂ်, အချို့က သကဒါဂါမိမဂ်, အချို့က အနာဂါမိမဂ်ကို ရကြလေသည်။
ဓမ္မမျက်စိ ရပြီးကြသော မင်းသား ၃-ကျိပ်တို့သည် ဘုရားရှင်ထံ ရှင်ရဟန်းအဖြစ်ကို လျှောက်ထား တောင်းပန်ကြ ကုန်၏။
မြတ်စွာဘုရားက-ဧထ ဘိက္ခဝေါ-ဟု ခေါ်တော်မူကာ ဧဟိ ဘိက္ခု-ရဟန်းပြုပေးတော်မူ၏၊
ဧဟိ ဘိက္ခု-ရဟန်း လာလော့, ကောင်းစွာ ဆင်းရဲ၏အဆုံးကို ပြုဖို့ရန် မြတ်သောအကျင့်ကို ကျင့်လှည့်လော့-ဟု ဘုရားရှင်ခေါ်တော်မူသည်နှင့် တပြိုင်နက် လူ့အသွင်ကွယ်ပျောက်၍ အလိုအလျောက် ခေါင်းတုံးရိတ်ပြီး သင်္ကန်းတို့ကို ဝတ်ရုံလျက် သပိတ်ကိုလွယ်ကာ ဖြစ်ပေါ်လာ၏။

မြတ်စွာဘုရား သာဝတ္ထိမြို့တော်၏ တောင်ဘက်ရှိ ဇေတဝန်ကျောင်းတော်၌ သီတင်းသုံးတော်မူစဉ် အာရညကင်ဓုတင်, ပိဏ္ဍပါတ်ဓုတင်, ပံသုကူဓုတင်, တိစီဝရိတ်ဓုတင်များကိုဆောင်ကြသော ပါဝေယျက တိုင်းသား ဘဒ္ဒဝဂ္ဂီ ညီနောင်သုံးကျိပ် ရဟန်းတော်တို့သည် ၁၃-နှစ်တိုင်တိုင် တောအရပ်၌ နေကြပြီးသောအခါ မြတ်စွာဘုရားကိုဖူးမြင်ရန် သာဝတ္ထိမြို့တော်သို့ အလာဝယ် ဝါဆိုဝါကပ်ရာနေ့ နီးလွန်း၍ သာဝတ္ထိမြို့တော်သို့ ဝါဆိုအမီ ရောက်ဖို့ကား မစွမ်းနိုင်ကြသောကြောင့် လမ်းခရီးအကြားရှိ သာဝတ္ထိနှင့် ၆-ယူဇနာကွာဝေးသော သာကေတမြို့၌ ဝါကပ်ခဲ့ကြရကုန်၏။.
ဤသာကေတမြို့မှ ၆-ယူဇနာမျှသာ ကွာဝေးသော သာဝတ္ထိမြို့တော်၌ ဘုရားရှင် သီတင်းသုံးတော် မူနေသော်လည်း ဘုရားရှင်ကို ဖူးမြင်ခွင့် မရကြကုန်-ဟု တွေးကြံကြပြီး ငြီးငွေ့လျက် မိုးလပတ်လုံး နေကြရကုန်၏။ မိုးလလွန်၍ ပဝါရဏာပြုပြီးကြသော် ခရီးဆက်လက်ကြွတော်မူကြရာ လမ်းခရီးအကြား၌ မိုးကြီးသည်းထန်စွာ ရွာသွန်းမှုကြောင့် သင်္ကန်းများ မိုးစို ရွှံ့ညွှန်များပေကျံ၍ ပင်ပန်းစွာ မြတ်စွာဘုရားထံသို့ ရောက်လာကြကုန်၏။
ထိုအခါ ဘုရားရှင်က-ချစ်သားရဟန်းတို့ ကျန်းကျန်းမာမာ ချမ်းချမ်းသာသာ ညီညီညွတ်ညွတ် မျှမျှတတ ရှိကြလျက် ခရီးလမ်းပန်း ပင်ပန်းမှုမရှိဘဲ လာခဲ့ကြရကုန်သလော-စသည်ဖြင့် နှုတ်ဆက်စကား မိန့်ကြားသော် ရဟန်းသုံးကျိပ်တို့သည် ကျန်းမာ မျှတ ညီညွတ်ကြပါသည်ဘုရား၊ သို့သော် တပည့်တော်များ ဘုရားဖူရန် အလာဝယ် သာဝတ္ထိမြို့တော်သို့ ဝါဆိုမီရောက်ဖို့ရန် မစွမ်းနိုင်သောကြောင့် သာကေတမြို့၌ ဝါကပ်ခဲ့ကြပါသည်ဘုရား။
မိုးလလွန်၍ ပဝါရဏာပြုပြီးသော် ခရီးဆက်လက် လာခဲ့ကြရာ လမ်းခရီးအကြား၌ မိုးသည်းထန်စွာ ရွာသွန်းမှုကြောင့် သင်္ကန်းများ မိုးစို ရွှံ့ညွှန်များပေကျံ၍ လေးလံသောသင်္ကန်းများဖြင့် ပင်ပန်းစွာ လာခဲ့ရပါသည်ဘုရား။
ထိုအခါ ဘုရားရှင်သည် ဘဒ္ဒဝဂ္ဂီညီနောင်သုံးကျိပ် ရဟန်းတော်တို့၏ ဖြစ်ကြောင်းကုန်စင်ကို ထောက်ရှုတော်မူလျက် အစမထင် သံသရာတခွင်၌ ဖြစ်ခဲ့သော အကြောင်းအရာနှင့်စပ်သော တရားတော် (သံယုတ္တနိကာယ် နိဒါနဝဂ္ဂ အနမတဂ္ဂသံယုတ် တိံသမတ္တသုတ်) ကို ဟောတော်မူလျှင် ထိုရဟန်းတော်တို့ သည် တရားတော်၏ ပြီးဆုံးချိန်၌ ရဟန္တာဖြစ်သွားကြလေ၏။
ထို့နောက် ဘုရားရှင်သည် အနုဇာနာမိ ဘိက္ခဝေ ဝဿံ ဝုဋ္ဌာနံ ဘိက္ခူနံ ကထိနံ အတ္ထရိတုံ-ရဟန်းတို့ မိုးလပတ်လုံး နေပြီးသော (ပုရိမဝါမှ ထကုန်သော) ရဟန်းတို့အား ကထိန်ခင်းခြင်းငှါ ငါဘုရား ခွင့်ပြုတော် မူ၏-ဟု ကထိန်ခင်းရန် ခွင့်ပြုတော်မူခဲ့ပါသည်။

၎။ ကထိန်ခင်းရခြင်း အကျိုးမှာ-

ဒကာ ဒကာမများက ကထိန်သင်္ကန်းလှူဒါန်းသဖြင့် ရဟန်းတော်များက ဝိနည်းကံဖြင့် ကထိန်ခင်း လိုက်သော အခါ သီတင်းကျွတ်လပြည့်ကျော် (၁)ရက်နေ့မှစ၍ တပေါင်းလပြည့်နေ့တိုင်အောင် ကထိန်အကျိုး (၅)မျိုးကို ရဟန်းတော်များ ရရှိကြပေသည်။ ကထိန်သင်္ကန်း လှူဒါန်းကြသော ဒကာ ဒကာမတို့သည်လည်း ရဟန်းတော်များရရှိသော အကျိုး(၅)ပါးနှင့် လျော်ညီစွာ အကျိုး(၅)ပါး ရရှိကြပေသည်။

(၁) အနာမန္တစာရ-ပင့်ဖိတ်ထားသော ဆွမ်းရှိပါလျက် ထင်ရှားရှိသော ရဟန်းကို မပန်ကြားဘဲ အရပ်တပါးသို့ သွားသော်လည်း အာပတ်မသင့်ခြင်း အကျိုးကို ရဟန်းတော်များ ရရှိကြပေသည်။

ဆောင်ပုဒ်။ ။ မပန်မကြား၊ လိုရာသွား၊ ပြစ်များ မသင့်ပြီ။

ကထိန်သင်္ကန်းလှူဒါန်းကြသော ဒကာ ဒကာမတို့သည်လည်း ဖြစ်လေရာ ဘဝတိုင်း ဘဝတိုင်း၌ အရပ်ဒေသ တပါးသို့ သွားလိုသောအခါ သူတပါးတို့ တားဆီးခြင်းမပြုနိုင်။ လွတ်လပ်စွာ သွားနိုင်ခြင်းအကျိုးကို ရရှိကြပေသည်။

ဆောင်ပုဒ်။ ။ တားဆီးကင်းကွာ၊ လွတ်လပ်စွာ၊ လိုရာသွားနိုင်သည်။

(၂) အသမာဒါနစာရ-တိစီဝရိတ် အဓိဋ္ဌာန်တင်ထားသော သင်္ကန်းသုံးထည်တို့တွင် တထည်ထည်ကို ထားလိုရာ အရပ်၌ထားကာ သွားသော်လည်း အာပတ်မသင့်ခြင်းအကျိုးကို ရဟန်းတော်များ ရရှိကြပေသည်။

ဆောင်ပုဒ်။ ။ သုံးထည်ထဲမှာ၊ ထားလိုရာ၊ ထားကာ သွားနိုင်သည်။

ကထိန်သင်္ကန်းလှူဒါန်းကြသော ဒကာ ဒကာမတို့သည်လည်း ဖြစ်လေရာ ဘဝတိုင်း ဘဝတိုင်းတို့၌ အရပ်တပါးသို့ သွားလာခြင်းကိစ္စ၊ အလုပ်အကိုင်ကိစ္စတို့ကို ပြုလုပ်သောအခါ တာဝန်ကိစ္စများ မလေးပါဘဲ ပေါ့ပေါ့ပါးပါး လွယ်လွယ်ကူကူနှင့် ပြီးမြောက်ခြင်းအကျိုးကို ရရှိကြပေသည်။

ဆောင်ပုဒ်။ ။ တာဝန်ကိစ္စ၊ မလေးရ၊ ပေါ့လှလေတော့သည်။

(၃) ဂဏဘောဇန- ၄-ပါး ၄-ပါးထက် ပိုလွန်သော ရဟန်းတော်တို့ကို ထမင်းစား လာခဲ့ပါ၊ ဟင်းစား လာခဲ့ပါ၊ မုန့်စား လာခဲ့ပါ စသည်ဖြင့် မအပ်သော ဖိတ်ခြင်းဖြင့် ဖိတ်အပ်သော ဆွမ်းဘောဇဉ်များကို စားလိုက လိုက်၍ စားသော်လည်း အာပတ်မသင့်ခြင်းအကျိုးကို ရဟန်းတော်များ ရရှိကြပေသည်။

ဆောင်ပုဒ်။ ။ လေးပါးတူပင်၊ ဂိုဏ်းဘောဇဉ်၊ စားချင် စားနိုင်သည်။

ကထိန်သင်္ကန်း လှူဒါန်းကြသော ဒကာ ဒကာမတို့သည်လည်း ဖြစ်လေရာ ဘဝတိုင်း ဘဝတိုင်း၌ စားလိုရာ အာဟာရအမျိုးမျိုးတို့ကို စားချင်တိုင်း စားပါသော်လည်း ဗိုက်နာခြင်း၊ ဝမ်းလျှောခြင်း၊ အဆိပ်ဖြစ်ခြင်း စသော ဘေးဖြစ်ခြင်းမည်သည် မရှိ၊ စားသမျှ ကြေညက်ခြင်းအကျိုးကို ရရှိကြလေသည်။

ဆောင်ပုဒ်။ ။ စားလိုရာများ၊ စားသော်ငြား၊ ဘေးကားမဖြစ်ပြီ။

(၄) ယာဝဒတ္တစီဝရ-များစွာသော သင်္ကန်းတို့ကို အဓိဋ္ဌာန်မတင်၊ ဝိကပ္ပနာမပြုပါဘဲ သီတင်းကျွတ်လပြည့်ကျော် (၁)ရက်နေ့မှစ၍ တပေါင်းလပြည့်နေ့တိုင်အောင် ငါးလအထိ သိမ်းဆည်းထားပါသော်လည်း အာပတ်မသင့်ခြင်း အကျိုးကို ရဟန်းတော်များ ရရှိကြပေသည်။

ဆောင်ပုဒ်။ ။ သင်္ကန်းများစွာ၊ ငါးလမှာ၊ သိမ်းကာထားနိုင်သည်။

ကထိန်သင်္ကန်း လှူဒါန်းကြသော ဒကာ ဒကာမတို့သည်လည်း ဖြစ်လေရာ ဘဝတိုင်းဘဝတိုင်း၌ စိန်၊ ရွှေ၊ ငွေ၊ ပတ္တမြား စသည် များစွာသော ရတနာတို့ကို သိမ်းဆည်းထားပါသော်လည်း ရန်သူမျိုး(၅)ပါး ဘေးရန်များ မရှိပါဘဲ ကောင်းမွန်စွာ သိမ်းဆည်းထားနိုင်ခြင်းအကျိုးကို ရရှိကြပေသည်။

ဆောင်ပုဒ်။ ။ ပစ္စည်းအများ၊ သိမ်းပိုက်ထား၊ ဘေးကား မရှိပြီ။

(၅) ယောစတတ္ထ စီဝရုပ္ပါဒ-ကထိန်ခင်းပြီးသည်မှနောက်၌ ကထိန်ခင်းသော ကျောင်းတိုက်သို့ တပါးသော ကျောင်းတိုက်က သံဃာတော်များ လာရောက်နေထိုင်ကြရာတွင် သံဃာအားလုံးအတွက် သင်္ကန်းလှူဒါန်း ပါသော်လည်း မူလ ကထိန်ခင်းထားသော ကျောင်းတိုက်က သံဃာတော်များကသာ ပိုင်ဆိုင်ရရှိခြင်း အကျိုးကိုလည်း ရရှိပေသည်။

ဆောင်ပုဒ်။ ။ သံဃာလှူငြား၊ သင်္ကန်းများ၊ သူ့အားသာ ဖြစ်သည်။

ကထိန်သင်္ကန်းလှူဒါန်းကြသော ဒကာ ဒကာမတို့သည်လည်း ဖြစ်လေရာ ဘဝတိုင်း ဘဝတိုင်း၌ ကိုယ့်ပစ္စည်းများကို ကိုယ်မပေးလိုက ဘယ်လို တန်ခိုးအာဏာ ကြီးမားသူကမှ အနိုင်အထက်ပြု၍ မယူနိုင်။ ကိုယ်ကပေးမှသာ ယူလို့ရခြင်းအကျိးကို ရရှိကြပေသည်။

ဆောင်ပုဒ်။ ။ ကိုယ့်ပစ္စည်းများ၊ သူတပါး၊ ယူသွားကင်းပသည်။

၅။ ။ ကထိန်သင်္ကန်းအလှူ မွန်မြတ်သည်ဟု ဆိုရခြင်းမှာ ရဟန်းတော်တို့သည် ကထိန်သင်္ကန်းမှ တပါးသော သင်္ကန်းများကို အလိုရှိသောအခါ မိဘ မိတ်ဆွေများ ထံမှာလည်း တောင်းကောင်းပေသည်။ သင်္ကန်းအလိုရှိသောအခါ တောင်းခံပါဘုရားဟု ဖိတ်ထားသော သူများထံမှလည်း တောင်းကောင်းပါသည်။

ကထိန်သင်္ကန်းကိုမူ မိဘ ဆွေမျိုးများနှင့် ဖိတ်ထားသူများထံ၌ မတောင်းကောင်းပေ။ ကောင်းကင်မှ ကျလာသကဲ့သို့ ဒကာ ဒကာမများ သူ့အလိုအလျောက် သဒ္ဓါတရားဖြစ်ပွား၍ လှူဒါန်းလာသော သင်္ကန်းကိုသာ ခံယူ၍ ကထိန်ခင်းရပေသည်။ ဤကဲ့သို့ တောင်းခံခြင်း လုံးဝမပါ သန့်ရှင်းဖြူစင်စွာ ရရှိသော သင်္ကန်းဖြစ်၍ မွန်မြတ်လှပေသည်။ မွန်မြတ်သည်ဟု ဆိုရပေသည်။

ကထိန်သင်္ကန်းမှတပါးသော ပစ္စည်း ၄-ပါးကို သဒ္ဓါတရားရှိသူ ဒကာ ဒကာမများက လှူဒါန်း၍ ခံယူကြရသောအခါ မြတ်စွာဘုရားက-

ချစ်သားရဟန်းတို့ ရဟန်းသီလမရှိဘဲ သူတပါးလှူဒါန်းသော သင်္ကန်းကို ဝတ်ရုံရခြင်းသည် မီးအလျှံ ပြောင်ပြောင် တောက်လောင်နေသော သံပြားကို ဝတ်ရုံရသည်ထက်ပင် ဆင်းရဲဒုက္ခ များလှပေသည်။

ဆွမ်းကိုသုံးဆောင်ခြင်းသည် မီးအလျှံပြောင်ပြောင် တောက်လောင်နေသော သံတွေခဲကို မျိုရသည်ထက်ပင် ဆင်းရဲဒုက္ခ များလှပေသည်။

ကျောင်း၌နေထိုင်ရခြင်းသည် မီးအလျှံပြောင်ပြောင် တောက်လောင်နေသော သံနှောင်အိမ်ထဲ၌ နေရသည်ထက်ပင် ဆင်းရဲဒုက္ခ များလှပေသည်။ စသည်ဖြင့် နှိပ်ကွပ်၍ သတိပေးစကား မိန့်ကြားတော်မူပါသည်။

ကထိန်သင်္ကန်းကို အလှူခံရာ၌ ရဟန်းတော်များကို ချီးမြှောက်၍ မိန့်ကြားတော်မူပါသည်။

ချစ်သားရဟန်းတို့-ကထိန်းသင်္ကန်းကိုလည်း ခံယူကြစေ၊ ကိန်အကျိုးတရား ၅-ပါးကိုလည်း တလမှ ငါးလအထိ ရရှိကြစေ-ဟု ချီးမြှောက်၍ မိန့်ကြားတော်မူသောကြောင့် ကထိန်သင်္ကန်းအလှူသည် မွန်မြတ်လှပေသည်။ မွန်မြတ်သည်ဟု ဆိုရပေသည်။

ကထိန်သင်္ကန်းအလှူသည် တနှစ်မှတကြိမ်၊ တကြိမ်မှာလည်း တလအတွင်းသာ၊ တလအတွင်းမှာလည်း တရက်ဖြင့်သာ အပြီးခင်းရသောကြောင့် မွန်မြတ်လှသည်ဟု ဆိုရပေသည်။

( သဒ္ဓမ္မရံသီ ဆရာတော် )

သိကောင်းစရာ ဓမ္မပဒေသာ-ပထမတွဲ စာမျက်နှာ ၁၃၂-မှ ကူးယူဖော်ပြသည်။ 
             
            သတိပဋ္ဌာနဓမ္မရိပ်သာ                        STIPATTHANA MEDITATION CENTRE
          ဗုဒ္ဓသာသနာနုဂ္ဂဟအသင်း                    Buddha Sasana Nuggaha Association
           (အမှတ်၃၇) ဒုတိယထပ် ၊                               No.37 second Floor , 
          လမ်းအမှတ် ၃၊၁၀၈c                                          jalan 3/108c 
             တမန်ဆွန်ဂိုင်းဘီစီ                                    Taman Sungai Besi
         ကွာလာလမ်ပူ ၊ မလေးရှား                          Kuala Lumpur ,  Malaysia